Inicio Últimas Noticias Concello e Espazo Coop asinan o protocolo que permitirá a creación da...

Concello e Espazo Coop asinan o protocolo que permitirá a creación da primeira aceleradora de economía social na Galiza

A sede da aceleradora será instalada no edificio do antigo conservatorio unha vez finalice a súa rehabilitación

O obxectivo do acordo entre o colectivo e o ente municipal é a promoción do cooperativismo, da economía social e do emprendemento en toda a comarca 

O alcalde de Pontevedra, Miguel Anxo Fernández Lores, asinou esta mañá un protocolo de colaboración entre o Concello e a Unión de Cooperativas Galegas Espazo Coop. Trátase dun acordo co fin de promocionar o cooperativismo, a economía social e o fomento do emprendemento social en Pontevedra.

O rexedor estivo acompañado de Ana Olveira, presidenta deste colectivo, e ambos os dous sinalaron que o protocolo parte dun acordo para instalar na Boa Vila a primeira aceleradora de economía social de Galiza nun espazo físico, que desta ocasión será o antigo conservatorio da rúa Alfonso XIII. 

«Desde o Concello levamos moito tempo pensando e ideando como asentar un sistema creativo e innovador na cidade. É un proxecto meditado e traballado que permitirá utilizar o antigo conservatorio para estes fins», explicou o alcalde. «Haberá outros usos, tal e como comentamos o día que presentamos o plan de rehabilitación deste edificio, que xa ten financiamento a través dos fondos europeos, e nese sentido cremos que hoxe é un día realmente para Pontevedra, ao poder confirmar que será sede da primeira aceleradora de economía social no país».

Leer más:   Los habitantes de Pontevedra enfadadísimos con el nuevo mapa de España creado por madrileños

Lores explicou que os motivos desta elección por parte de Espazo Coop veñen a través do crecemento e o traballo realizado no municipio ao longo de todos estes anos con base na creatividade, poñendo de exemplo o desfile de Debut, ou a feira de Etiqueta Negra, Pont-Up Store, o clúster de comercio electrónico —que tamén escolleu Pontevedra como base—, o congreso Flúor de comunicación… «Este é un paso máis nesa liña. Estamos realmente encantados de que a asociación de cooperativas nos escollese e queira traballar con nós», finalizou o rexedor.

Pola súa banda, Ana Olveira agradeceulle ao Concello «por ter a iniciativa e por pensar na economía social e darlle cabida neste proxecto, que vai máis alá desta parte, sendo un proxecto dinamizador do emprego, da economía e da cidade». «Prestaríame resaltar que este protocolo o único que vén a demostrar é o traballo previo que se leva feito ao longo destes anos. Non é algo improvisado, é algo meditado, é un proxecto froito da colaboración entre a miña entidade e o Concello».

Leer más:   Accidente en Tui: siete heridos al incendiarse un coche tras salirse de la AP-9

Ademais, a presidenta do colectivo sinalou que a economía social e as empresas que a practican poñen no centro as persoas, «igual que o modelo de cidade aplicado en Pontevedra o fai». «Que quere dicir isto? Que as decisións non se toman só desde unha perspectiva económica, e seguimos sendo empresas rendíbeis, senón que tamén temos en conta a todas as persoas que forman parte das mesmas. A economía social aporta a Galiza un 8 % do PIB. Falamos dunha economía de primeiro nivel, case á mesma altura que o turismo, que aporta un 10 %».

Olveira explicou que esta aceleradora creará un ecosistema que permitirá que estas empresas «se asenten na cidade de Pontevedra». «O espazo estratéxico que forma Pontevedra é unha clave á hora de traer a aceleradora a este lugar. A provincia de Pontevedra lidera o crecemento de cooperativas nos últimos anos e isto forma parte da decisión. Imos tratar de que o ecosistema permita testar os modelos de negocio e implantar as ferramentas necesarias para que esas persoas que queren emprender ou queren darlle unha volta á súa empresa poidan facelo a través dun programa de formación nun espazo físico permanente todo o ano. Actuaremos de xeito conxunto e rápido, e non terán que esperar a unhas convocatorias puntuais ou a uns espazos efémeros».

Leer más:   ALUCINARÁS | El mejor vídeo del meteorito no ha sido en Pontevedra

- Te recomendamos -
Artículo anteriorO concelleiro Marcos Rey clausura na Casa Azul o Curso de Lingua de Signos organizado en colaboración con Xoga
Artículo siguienteAsí será el tiempo en los próximos días en Pontevedra